Trampın rüsum fərmanına ilk reaksiya Meksikadan gəlib: Cavab rüsumları tətbiq ediləcək
Dünən, 11:19. Разместил: azadses
“Report” xəbər verir ki, bunu Meksika Prezidenti Klaudiya Şeynbaum deyib.
Onun sözlərinə görə, Mexiko Vaşinqtonla dialoqa açıqdır və problemlər tariflərin tətbiqi ilə deyil, danışıqlar və dialoq yolu ilə həll olunur:
“İqtisadiyyat nazirinə Meksikanın maraqlarını qorumaq üçün tarif və qeyri-tarif tədbirlərini özündə əks etdirən “B” planını həyata keçirməyi tapşırıram. Biz Ağ Evin ərazimizə hər hansı müdaxiləsini və cinayət təşkilatları ilə əlaqədə ittiham olunan Meksika hökumətinə qarşı böhtanı qəti şəkildə rədd edirik. Meksika qarşıdurma istəmir və biz qonşu ölkələr arasında əməkdaşlıqdan başlayırıq. Meksika fentanilin ABŞ-yə və ya başqa yerə daxil olmasını istəmir.
Əgər Birləşmiş Ştatlar narkotik alveri edən və zorakılıq yaradan cinayətkar dəstələrlə mübarizə aparmaq istəyirsə, biz birlikdə işləməliyik. Bu məqsədlə mən Prezident Trampa ən yaxşı ictimai sağlamlıq və təhlükəsizlik ekspertlərimizdən ibarət işçi qrupu yaratmağı təklif edirəm”.
ABŞ Prezidenti Donald Tramp Kanada, Meksika və Çindən idxal edilən məhsullara rüsum tətbiqi barədə fərmanlar imzalayıb. Fərmanlarda Kanada və Meksikadan idxal olunan məhsullara 25 faiz, Çindən idxal edilən məhsullara isə 10 faiz tarif tətbiq ediləcəyi göstərilir.
Вернуться назад